Շանթ Խաչատրյանը՝ բրոնզե մեդալակիր. ըմբշամարտի Մ23 ԱԱ
Ալբանիայում ընթացող հունահռոմեական ոճի ըմբշամարտի աշխարհի մինչև 23 տարեկանների առաջնությունում Հայաստանը ներկայացնող Շանթ Խաչատրյանը 72 կգ քաշային կարգում դարձել է բրոնզե մեդալակիր:
3-րդ տեղի համար պայքարում նա իր օգտին 9-0 հաշվի ժամանակ տուշեով հաղթել է Ղրղզստանի ներկայացուցիչ Ադիլխան Նուրլանբեկովին:
Շանթ Խաչատրյանը նվաճել է Հայաստանի հավաքականի առաջին մեդալը Մ23 աշխարհի առաջնությունում: Կարեն Խաչատրյանը և Հայկ Խլոյանը բրոնզե մեդալի համար գոտեմարտերում պարտվել են:
