Չինաստանը ՄԱԿ-ին կոչ Է արել Մերձավոր Արեւելքի հարցով մասշտաբային գագաթնաժողով գումարել
Մերձավոր Արևելքի հարցերով ՉԺՀ կառավարության հատուկ բանագնաց Չժայ Ծյունը ՄԱԿ-ին կոչ է արել խաղաղ համաժողով հրավիրել պաղեստինա-իսրայելական հակամարտության կարգավորման համար: Նրա խոսքերը մեջբերվում են Չինաստանի արտաքին քաղաքական գերատեսչության պաշտոնական կայքում:
«Միավորված ազգերի կազմակերպությունը պետք է նպաստի խաղաղության միջազգային ավելի հեղինակավոր, ավելի ազդեցիկ և ավելի մասշտաբային համաժողովի շուտափույթ գումարմանը»,- ասել է նա:
Չինացի դիվանագետը նշել է, որ հակամարտության սրումը պաղեստինյան հարցի անտեսման անթույլատրելիության ապացույցն է: Նա ընդգծել է, որ պաղեստինա-իսրայելական հակամարտության փակ շրջանակից ելք կարող է դառնալ վերադարձը «երկու պետություն երկու ժողովուրդների համար» պլանին և անկախ պաղեստինյան պետության ստեղծումը:
