Դատարկ փողոցներ, հատուկենտ մարդիկ. Կարմիր խաչն Արցախից տեսանյութ է հրապարակել
Որոնողական աշխատանքների ընթացքում հայտնաբերվել են 4 անձինք, որոնք տարածքից դուրս գալու ցանկություն են հայտնել։
Կարմիր խաչի միջազգային կոմիտեն Լեռնային Ղարաբաղում նկարահանված տեսանյութ է հրապարակել` ներկայացնելով այնտեղ տարվող աշխատանքները։
Նկարահանումները կատարվել են հոկտեմբերի 10-13–ն ընկած ժամանակահատվածում։
Տեսանյութում երևում է, թե ինչպես են ԿԽՄԿ թիմի անդամները շրջում բնակավայրերում` փնտրելով այնտեղ մնացած մարդկանց, որպեսզի հոգան նրանց հումանիտար առաջնային կարիքները։
Որոնողական աշխատանքների ընթացքում հայտնաբերվել են 4 անձինք, որոնք տարածքից դուրս գալու ցանկություն են հայտնել։ Գտնվել են նաև մարդիկ, որոնք ասել են, թե ցանկանում են մնալ։ Նրանց տրամադրվել է սնունդ, այլ անհրաժեշտ պարագաներ։ ԿԽՄԿ աշխատակիցներն իրենց հեռախոսներն են տրամադրել հարազատների հետ կապ հաստատելու համար։
Նշվում է, որ ԿԽՄԿ-ն աշխատանքներ է տանում նաև անհետ կորած անձանց հայտնաբերելու համար։
