ԵՄ առաքելությունն իր գործառնական վերջին կայանն է բացել Եղեգնաձորում
Հայաստանում ԵՄ առաքելությունը գործառնական կայան է բացել Եղեգնաձորում: Այս մասին հայտարարություն է տարածել ԵՄ առաքելությունը X-ի իր պաշտոնական էջում։
«Առաքելությունն այսօր իր գործառնական կայանն է բացել Եղեգնաձորում։ Դա առաքելության ծրագրի համաձայն բացված վերջին հենակետն էր: Առաքելության ղեկավար Մարկուս Ռիտերը Եղեգնաձորի փոխքաղաքապետի հետ կտրել է նոր կայանի կարմիր ժապավենը, որն առաջին հերթին կենտրոնանալու է Արարատի մարզի սահմանամերձ շրջանների վրա»,- ասվում է հաղորդագրության մեջ։
2023 թվականի սեպտեմբերին առաքելությունը հայտնեց այն մասին, որ իր գլխամասը տեղափոխել է Եղեգնաձոր։
