ՀՀ-ի դաշնակիցները ոչ միայն չեն օգնել, այլև իշխանությունը տապալելու կոչեր են արել. Փաշինյան
Այն ժամանակ, երբ հարյուր հազարավոր հայեր ԼՂ-ից փախչում էին ՀՀ, անվտանգության ոլորտի դաշնակիցները ՀՀ-ին ոչ միայն չէին օգնում, այլև այդ օրերին իշխանափոխություն անելու և ժողովրդավարական իշխանությունը տապալելու հրապարակային կոչեր էին անում։ Եվրոպական խորհրդարանում իր ելույթի ժամանակ հայտարարեց Նիկոլ Փաշինյանը։
Նրա խոսքով՝ ամենաողբերգական դեպքերը տեղի ունեցան հենց այդ ժամանակ, երբ Ադրբեջանը ի կատարումն էթնիկ զտումների իր երկարամյա ծրագրի` լայնածավալ հարձակում գործեց Լեռնային Ղարաբաղի վրա։
Ըստ Փաշինյանի` հայ ժողովրդին այս օրերին հաջողվեց համախմբվել հանուն իր անկախության, ինքնիշխանության, ժողովրդավարության և պետության դեմ ուղղված հերթական դավադրությունը ձախողվեց։
