Պատրաստ ենք հանդիպում անցկացնել «3+3» ձևաչափով
Հայաստանը պատրաստ է հանդիպում անցկացնել «3+3» ձևաչափով։ Այս մասին քիչ առաջ «Առաջին ալիքին» ուղիղ եթերում տված հարցազրույցում հայտարարել է Նիկոլ Փաշինյանը։
«Ժամանակին ձեռք է բերվել պայմանավորվածություն, որ «3+3» ձևաչափով հաջորդ հանդիպումը տեղի կունենա Թեհրանում»,- պնդել է Փաշինյանը՝ հավելելով նաև, որ Գրանադայի հանդիպումից հետո ԵՄ-ում Հայաստանի հետ հարաբերությունների խորացման առումով կա կոնսենսուս։