Անվանվել են ականջի առողջության երկու գլխավոր «թշնամիները»
Ականջները բամբակյա փայտիկներով մաքրելը կարող է հանգեցնել միջին ականջի բորբոքման և այլ հիվանդությունների զարգացման, ասում է բժշկական գիտությունների թեկնածու Իլյա Սենչենկոն։ Նա թվարկել է ականջի առողջության երկու հիմնական «թշնամիները»։
Սենչենկոն մարդկանց ուշադրությունը հրավիրել է այն փաստի վրա, որ ականջի ոչ պատշաճ խնամքն անխուսափելիորեն հանգեցնում է միջին ականջի բորբոքման, ֆուրունկուլյոզի, վնասվածքների և, որպես հետևանք, լսողության կորստի: Ականջի առողջության համար վնասակար առաջին սովորությունը նա անվանել է ականջի հիգիենայի համար բամբակյա փայտիկներ, լուցկիներ օգտագործելը: Այս գործողությունը մեծացնում է ծծմբի արտադրությունը, որը կարող է առաջացնել ծծմբի խցանների ձևավորում:
«Այսպիսով, չափից ավելի խնամքը կարող է ավարտվել աղետով»,- ըստ shantnews-ի՝ զգուշացրել է բժիշկը։
Ականջի առողջության համար մեկ այլ վտանգ, ըստ Սենչենկոյի, ականջակալներն են։ Եթե դրանք պարբերաբար չեն ախտահանվում հակասեպտիկ անձեռոցիկով, ականջում սնկային վարակի ներթափանցման վտանգը զգալիորեն մեծանում է, պարզաբանել է նա։
