Նշվել է ատամների լավ մաքրման համար մածուկի օպտիմալ ծավալը

Ատամնաբույժ Դիանա Լևչուկը նշել է բժշկական տեսանկյունից մածուկի օպտիմալ քանակությունը, որն անհրաժեշտ է ատամները լավ մաքրելու համար։ Նրա խոսքերը, ըստ shantnews-ի՝ մեջբերում է Gazeta.Ru-ն։

Բժիշկը պնդում է, որ խոզանակի վրա ատամի մածուկի քանակի ավելացումը չի ազդում ատամների մաքրության աստիճանի վրա։ Բերանի խոռոչի արդյունավետ հիգիենայի համար անհրաժեշտ մածուկի քանակը չափերով համեմատելի է սիսեռի հետ: Սա մոտավորապես երեք անգամ պակաս է գովազդում սովորաբար ցուցադրվող ծավալից:

Միևնույն ժամանակ, ըստ նրա, ատամի մածուկ շատ օգտագործելը կարող է փափկեցնել խոզանակը՝ անհնարին դարձնելով ատամները լավ մաքրելը։