«Արցախը հայաթափել ու Ադրբեջանին նվիրել է Նիկոլ Փաշինյանը». Շարմազանով
Էդուարդ Շարմազանովը ֆեյսբուքյան իր էջում գրել է․ «Ապագա սերունդներ, երբեք չմոռանաք, որ Արցախը հայաթափել և Ադրբեջանին է նվիրել հայ ազգի դավաճան Նիկոլ Փաշինյանը։
Միամտություն էր կարծել, թե 2022-ի հոկտեմբերի 6-ին Պրահայում Փաշինյանի կողմից Արցախն Ադրբեջանի մաս ճանաչելու հանցավոր գործարքից հետո Արցախը կարող էր երկար գոյատևել։
Գոյատեւելու մի շանս կար՝ հեռացնել Փաշինյանին ու հրաժարվել Պրահայի հանցավոր գործարքից։
Օբյեկտիվ և սուբյեկտիվ պատճառներով Նիկոլին հեռացնել չստացվեց։
Դրա գինը դարձավ Արցախի հայաթափումը։
Արցախը հայաթափել ու Ադրբեջանին նվիրել է Նիկոլ Փաշինյանը։
Նրա հեռացումն այլևս բարոյական հարց է դառնում։
Իսկ նրա մնալու պարագայում մենք բարոյականության հետ այնքան կապ կունենանք, որքան ադրբեջանցի ղեկավարները՝ հումանիզմի»։
