Թուրքիայում տարեկան գնաճը հասել է 128.05 տոկոսի
Թուրքիայում գործող «Ինֆլյացիայի ուսումնասիրման խումբը» (ENAG) տվյալներ է հրապարակել այդ երկրում սպառողական գների ինդեքսի վերաբերյալ։ Այս մասին տեղեկացնում է ermenihaber.am-ը։
Անկախ տնտեսագետներից և փորձագետներից կազմված խմբի տվյալների համաձայն՝ Թուրքիայում օգոստոսին գնաճի մակարդակը նախորդ ամսվա համեմատ աճել է՝ կազմելով 8․59 տոկոս, իսկ տարեկան կտրվածքով՝ 128․05 տոկոս։
Նշվում է, որ Թուրքիայում այս տարվա հունվար-օգոստոս ժամանակահատվածում գնաճը կազմել է 83․96 տոկոս։
