Լավրովը հայտնել է Քաթարի պատրաստակամության մասին՝ մասնակցելու դեպի Թուրքիա ռուսական հացահատիկի մատակարարումների ֆինանսավորմանը
Ռուսաստանի արտգործնախարար Սերգեյ Լավրովը հայտնել է, որ իր թուրք գործընկեր Հաքան Ֆիդանի հետ քննարկել է մեկ միլիոն տոննա ռուսական հացահատիկի էժան գնով Թուրքիա մատակարարելու հարցը՝ հավելելով, որ Քաթարը պատրաստ է մասնակցել մատակարարումների ֆինանսական աջակցությանը։ Այդ մասին տեղեկացնում է «ТАСС»-ը։
«Մենք քննարկել ենք Ռուսաստանի նախագահի նախաձեռնությունը՝ կազմակերպել մինչև մեկ միլիոն տոննա ռուսական հացահատիկի էժան գնով մատակարարումները Թուրքիա՝ թուրքական ձեռնարկություններում հետագա վերամշակման և աշխարհի ամենակարիքավոր երկրներ առաքելու համար։ Հարցը քննարկվել է նաև Քաթարի մեր ընկերների հետ, ովքեր պատրաստ են մասնակցել այս նախաձեռնության ֆինանսավորման աշխատանքներին»,- ասել է Լավրովը։
