Նյարդաբանը զգուշացրել է երկարատև սթրեսի վտանգների մասին
Անընդհատ սթրեսը հանգեցնում է մարմնի հյուծման և հիվանդությունների, զգուշացրել է բժշկական գիտությունների դոկտոր, նյարդաբան Նատալյա Շինդրյաևան։ Նա խոսել է երկարատև սթրեսի վտանգի մասին։
Սթրեսի դեպքում, բացատրել է մասնագետը, մակերիկամներն արտադրում են ադրենալին հորմոն, որը խթանում է իմունային համակարգը: Եթե սթրեսը երկարաձգվի, սրտանոթային համակարգը կսկսի տուժել։ Այս դեպքում ճնշումը բարձրանում է, անոթների տոնուսը վատանում է, սիրտը մաշվում է։
Մարդու մոտ քրոնիկական հիվանդությունների առկայության դեպքում սթրեսը կարող է հանգեցնել առողջական խնդիրների, ընդգծել է նա։
«Քրոնիկական հիվանդություններ ունեցող կամ հիպերտոնիայի, ավելորդ քաշի, շաքարախտի հակում ունեցող մարդկանց մոտ ադրենալինի արտազատումը բարդություններ է առաջացնում։ Ինչպես ասում են, որտեղ բարակ է, այնտեղ կտրվում է»,- ըստ shantnews-ի՝ եզրափակել է Շինդրյաևան:
