Վրաստան է այցելել 1,7 մլն միջազգային ճանապարհորդ
2023 թվականի երկրորդ եռամսյակում Վրաստան է այցելել 1,7 մլն միջազգային ճանապարհորդ: Այս մասին գրում է aliq.ge-ն։
Ըստ Վրաստանի ազգային վիճակագրական ծառայության (Geostat), ճանապարհորդների ամենամեծ մասը՝ 46,4 տոկոսը, կազմել են 31-50 տարեկան ճանապարհորդները։
«2023 թվականի երկրորդ եռամսյակում Վրաստանի տարածք է մուտք գործել 1,7 մլն միջազգային ճանապարհորդ, ինչը 57,4 տոկոսով ավելի է նախորդ տարվա նույն ժամանակահատվածի ցուցանիշից»,- նշված է Geostat-ի հրապարակած տեղեկության մեջ:
