Անվանվել են ամառային դեպրեսիայի ախտանիշները
Շոգին շատերն են ընկճված զգում սեզոնային դեպրեսիայի պատճառով, ասում է հոգեբույժ Նորման Ռոզենթալը։ Washington Post-ին տված հարցազրույցում, shantnews-ի փոխանցմամբ՝ նա անվանել է ամառային աֆեկտիվ խանգարման ախտանիշները և այն, թե ինչպես է այն տարբերվում ձմեռային ապատիայից:
Ռոզենթալը բացատրել է, որ հոգեկանի վրա բացասական ազդեցությունը հիմնականում պայմանավորված է բարձր ջերմային ֆոնով, խոնավությամբ և ծաղկափոշու նկատմամբ ալերգիայի դրսևորմամբ։ Բացի այդ, շատ հիվանդներ դժգոհում են արևի պայծառ լույսից, որը, ըստ մասնագետի, իսկապես կարող է որոշ մարդկանց մոտ մանիակալ մտքեր առաջացնել։
Ամառային և ձմեռային սեզոնային աֆեկտիվ խանգարումներին բնորոշ են դեպրեսիան, վատ տրամադրությունը և հաճույքի զգացումների նվազումը: Ձմեռային դեպրեսիա ունեցող հիվանդները հակված են ավելի շատ քնել, չափից շատ ուտել: Ամառային դեպրեսիայի ախտանշանները հակառակն են՝ ախորժակը նվազում է, քաղցը վերանում է, առաջանում է անքնություն։
