«Քաղաքական պալիտրայի ինչ երանգի վարորդ ասես չեմ հանդիպել, բացի նիկոլականներից». Կարեն Վրթանեսյան
Ռազմական փորձագետ Կարեն Վրթանեսյանն իր ֆեյսբուքյան էջում գրում է․
— Վրթանեսյան ջան, մենք քեզ լսում, հարգում ենք, բայց որ Նիկոլն ասում ա «կադաստրի թուղթ», խի՞ մեկը չի պատասխանում։
Գրպանիցս հանեցի հեռախոսը, միացրի Աշոտյանի հարցազրույցից այն հատվածը, որ մի քանի օր առաջ մոտս դրել էի։ Շուկայի մյուս վաճառողներն էլ հավաքվեցին։ Ասում եմ.
— Հրես, պատասխանում է։
Մի քիչ լսեցին, բայց հեռախոսիս ձայնը ցածր էր, լավ չէր լսվում։
— Ի՞նչ ա ստեղ ասում Աշոտյանը։
— Ասում ա. «Պետության կադաստրի թուղթը ո՞րն ա, արա՛։ Մեր պետությունը եթե «կադաստրի թուղթ» չունենար, ո՞նց կդառնար ՄԱԿ-ի անդամ։ Թշնամի՞ն ա մեզ «կադաստրի թուղթ» տալու»։
— Այ, հա, ճիշտ ա ասում։ Աշոտյանը, Շարմազանովը 5 տարի առաջ որ խոսում էին, մարդ չէր էլ ուզում իրանց լսել։ Ես որ չէի լսում։ Բայց հիմա լսում ենք, ճիշտը սաղ ասում են։
— Աշոտյանին բռնել են, գիտե՞ք։
— Հա, գիտեմ։ Էս ինչ օրն ընկանք, էհհհ։
Զրույց շուկայում, Աննան հետս էր, կվկայի։ Զուտ արձանագրելու …
Հ.Գ. Տարուց ավելի է՝ Նիկոլ պաշտպանող տաքսիստ չեմ տեսել։
Քաղաքական պալիտրայի ինչ երանգի վարորդ ասես չեմ հանդիպել, բացի նիկոլականներից։
