Իսրայելը հետևողականորեն դեմ է Իրանի հետ միջուկային ծրագրին վերաբերող ցանկացած նոր համաձայնագրի․ Բենյամին Նեթանյահու
Իսրայելը հետևողականորեն դեմ է Իրանի հետ հանրապետության միջուկային ծրագրին վերաբերող ցանկացած նոր համաձայնագրի՝ համարելով, որ ոչ մի նոր համաձայնագիր չի խանգարի Թեհրանին շարժվել սեփական միջուկային զենք ստեղծելու ուղղությամբ: Այս մասին ասել է Իսրայելի վարչապետ Բենիամին Նեթանյահուն՝ ելույթ ունենալով կառավարության ամենշաբաթյա նիստում։
Ըստ նրա՝ հիմնական խնդիրն է դադարեցնել Իրանին միջուկային զենքով զինելը։
«Մենք մեր ամերիկացի ընկերներին կրկին ու կրկին հասկացրել ենք, և ես դա կրկնում եմ այսօր, որ մենք դեմ ենք համաձայնություններին, առաջին հերթին դեմ ենք սկզբնական համաձայնագրին վերադառնալուն` այսպես կոչված JCPOA-ին (Գործողությունների համատեղ համապարփակ ծրագիր – Tert.am), որը միայն ճանապարհ կհարթի Իրանի համար դեպի ռումբը և այն կլցնի հարյուրավոր միլիարդավոր դոլարներով»,- ասել է Նեթանյահուն։
