Նշվել են անհանգստության մակարդակը բարձրացնող սննդի խմբերը և դրանց այլընտրանքները
Լիցենզավորված դիետոլոգներ Մադլեն Լառուշը և Մեգան Գիլբերտը թվարկել են սննդամթերքի երեք խմբեր, որոնք ավելացնում են անհանգստությունը և սրում դեպրեսիայի եղած ախտանիշները։ Մասնագետներն առաջարկում են դրանց առողջ այլընտրանքները: Նրանց խոսքերը, shantnews-ի փոխանցմամբ՝ մեջբերում է The Sun-ը։
Լառուշը զգուշացրել է, որ սուրճը և կոֆեին պարունակող ըմպելիքները այն մթերքներից են, որոնք կարող են ավելորդ անհանգստություն առաջացնել: Սա բացատրվում է նրանով, որ կոֆեինը ուժեղ խթանիչ է, որը ոչ միայն էներգիա է հաղորդում, այլև «վառում» է մարդու անհանգստությունը, ինչպես նաև առաջացնում է սրտի բաբախյուն և քրտնարտադրություն։
Մթերքների մեկ այլ խումբ, որը վտանգավոր է հոգեկան առողջության համար, սննդաբան Գիլբերտը անվանել է արագ սնունդ։ Նրա խոսքով՝ վերամշակված սնունդն ու արագ սնունդը շատ քիչ սննդանյութեր են պարունակում և միևնույն ժամանակ հրահրում են օրգանիզմում բորբոքումների զարգացում, ինչը բացասաբար է անդրադառնում ուղեղի աշխատանքի վրա։ Արագ սնունդը կարող է 70 տոկոսով մեծացնել դեպրեսիայի ախտանշանները և մեծացնել անհանգստությունը, վստահեցրել է մասնագետը։
