Պերուում ավտոբուսը զառիթափից ընկել է գետը, կա 10 զոհ
Առնվազն 10 մարդ է զոհվել, 25-ը՝ վիրավորվել, երբ Պերուի արևմուտքում ավտոբուսը զառիթափից ընկել է գետը:
Դեպքը տեղի է ունեցել ապրիլի 10-ին: Հաղորդվում է, որ վթարի պահին ավտոբուսում եղել է 76 մարդ: 12 տուժածներ վնասվածքների ծանրության պատճառով հոսպիտալացվել են։ Ավտոբուսն Ուանուկո քաղաքից ուղևորվում էր Լիմա։
Ինչպես պնդում է ուղևորափոխադրումներ կատարող ընկերությունը, ավտոբուսը զառիթափից ընկել է բեռնատարի հետ բախվելուց հետո։ Սակայն դեպքի վայր ժամանած ոստիկանները պատահարի վայրում այլ տրանսպորտային միջոցներ չեն հայտնաբերել։ Իրավապահ մարմինները հետաքննում են միջադեպը:
