Կարճատեսություն երեխաների մոտ. ինչպե՞ս կարող են աչքի կաթիլները օգնել նվազեցնել կարճատեսությունը
Հետազոտողներն ասում են, որ 4-9 տարեկան երեխաների մոտ ատրոպինի օգտագործումը գիշերը կարող է օգնել նվազագույնի հասցնել կարճատեսության զարգացումը:
Նրանք նշում են, որ երեխաների մոտ չբուժված կարճատեսությունը հետագայում կարող է հանգեցնել աչքի առողջության ավելի լուրջ խնդիրների:
Փորձագետներն ասում են, որ ծնողները կարող են օգնել իրենց երեխաների աչքերի առողջությանը՝ սահմանափակելով էկրանին նայելու ժամանակը և հետևել, որ երեխաները ավելի հաճախ լինեն դրսում:
Նոր հետազոտությունը ցույց է տալիս, որ աչքի կաթիլների օգտագործումը կարող է օգնել հետաձգել և հնարավոր է` կանխարգելել երեխաների կարճատեսությունը:
shantnews-ի փոխանցմամբ՝ Հոնկոնգի հետազոտողները հայտնում են, որ 4-9 տարեկան երեխաների մոտ ատրոպինի կաթիլի օգտագործումը գիշերը երկու տարի անց նվազագույնի է հասցրել կարճատեսության զարգացման հավանականությունը:
Թեև ավելի շատ հետազոտություններ կպահանջվեն բացահայտումները հաստատելու և կրկնելու համար, հետազոտության առաջատար հեղինակը Healthline-ին ասել է, որ տվյալները խոստումնալից են և կարող են միջոց լինել տեսողության հետ կապված խնդիրները վերացնելու համար, նախքան դրանք հետագայում ավելի լուրջ խնդիր կդառնան:
