Ե՞րբ կկազմակերպվի Միրզոյան-Լավրով-Բայրամով հանդիպում
Հայկական կողմը վերահաստատել է պատրաստակամությունը՝ մասնակցել եռակողմ նախարարական հանդիպման Մոսկվայում: Այս մասին այսօր Մոսկվայում կայացած մամուլի ասուլիսի ընթացքում հայտարարեց ՌԴ ԱԳ նախարար Սերգեյ Լավրովը՝ անդրադառնալով Հայաստանի, Ռուսաստանի ու Ադրբեջանի ԱԳ նախարարների հանդիպման հնարավորությանը:
Լավրովը նաև տեղեկացրեց, որ այսօր այս մասին խոսել են նաև Արարատ Միրզոյանի հետ հանդիպման ժամանակ:
«Մեր հայ գործընկերները հաստատեցին օրերս մամուլի ասուլիսի ընթացքում ՀՀ վարչապետ Նիկոլ Փաշինյանի կողմից ասվածը, որ ՀՀ-ն պատրաստ է նման հանդիպման կազմակերպմանը: Կարծում եմ, որ մոտ ապագայում մենք կդիտարկենք, թե ինչ ամսաթվեր են հարմար բոլոր երեք նախարարների համար»,- ասաց Լավրովը:
