Թուրքիան` ՄԱԿ-ի հաշվարկներում
Մարտի 16-ին ՄԱԿ-ը 2022թ. երկիր մոլորակի բնակչության թվաքանակի վերաբերյալ ներկայացրել է իր հաշվարկները: Վերջիններիս համաձայն, երկիր մոլորակի բնակչության ընդհանուր թիվը կազմել է 7 միլիարդ 975 միլիոն 105.156 մարդ, որում տարեցների թիվը 782 միլիոն, 998.642 է: Ըստ այդմ՝ բնակչության 9.8 տոկոսը տարեց մարդիկ են եղել: Այս մասին տեղեկացնում է ermenihaber.am-ը։
Վերոնշյալ տվյալների համաձայն, տարեց բնակչության թվաքանակով աշխարհի 184 երկրների մեջ Թուրքիան 66-րդն է, իսկ տարեց բնակչության ամենաբարձր ցուցանիշներով աչքի ընկած երկրներն, ըստ համապատասխան հերթականության, Ճապոնիան է՝ 29.9%-ով, Իտալիան է՝ 24.1%-ով, ապա Ֆինլանդիան՝ 23.3%-ով:
Թուրքիայում ամենաշատ տարեց բնակչություն ունեցող բնակավայրերից են, համապատասխան հերթականությամբ, Սինոպ քաղաքը (20.2%), Քասթեմունը (19.3%) և Քերասունը (18%), իսկ ամենացածր տարեց բնակչություն ունեցողը Շըրնաքն է (3.5%):
Նաև հաշվարկների համաձայն 2021թ. Թուրքիայում գրել- կարդալ իմացող մարդիկ կազմել են տարեց բնակչության 85.6%-ը, մինչդեռ 2017-ին այդ հարաբերակցությունը 80.4% էր:
Գրել-կարդալ չիմացող տարեց մարդիկ 2017թ. կազմել են տարեցների 19.6%-ը, իսկ 2021թ.՝ 14.4%: Վերոնշյալ մարդկանց խմբում գրել-կարդալ չիմացող տարեց կանայք 2021թ-ին կազմել են 22.3%, իսկ տղամարդիկ 5 անգամ ավելի քիչ՝ 4.2%:
