Յուրաքանչյուրն իր բաժին աշխատանքը կատարում է գերազանց՝ իմ նախաձեռնությունը դարձնելով կայացած. Արցախի պետնախարար
Ցանկացած ծանր իրավիճակում համախմբվածությունն ու հանրային համերաշխությունը նոր, գուցե չիրացված հնարավորություններ է բացում մեր հավաքական նպատակների կենսագործման համար: Այս մասին իր ֆեյսբուքյան էւում գրել է Արցախի պետնախարար Գուրգեն Ներսիսյանը:
«Արցախի հողին կանգնած մնալով՝ մեր երիտասարդները իրենց գործով, խոսքով ու նոր մտածողությամբ հարթում են առաջընթացի ճանապարհը:
Ուղիղ երեք ամիս չունենալով կապ Հայաստանի ու արտաքին աշխարհի հետ, ունենալով բազմաթիվ դժվարություններ՝ մեր երիտասարդները, ուսանողները, հասարակության ակտիվ հատվածը չի կորցնում տոկունությունը: Ցուցիչը՝ նաև հասարակական աշխատանքում ակտիվ ներգրավվածությունն է, որն առանձնանում է կազմակերպվածությամբ ու նվիրումով: Բեռնաթափումից, տեսակավորումից մինչև փաթեթավորում յուրաքանչյուրն իր բաժին աշխատանքը կատարում է գերազանց՝ իմ նախաձեռնությունը դարձնելով կայացած: Նույն պատրաստամությամբ ինքս բաց եմ երիտասարդների նմանօրինակ նախաձեռնությունների համար»,-գրել է Ներսիսյանը:
