Վիտամին D-ն արդյունավետ է մաշկի ցաների բուժման համար
Northwestern Medicine-ի գիտնականները պարզել են, որ վիտամին D-ն արդյունավետ է քիմիական նյութերի ազդեցության հետևանքով առաջացած մաշկի ցաների բուժման համար: Կրկնակի պատահական փորձարկման արդյունքները, shantnews-ի փոխանցմամբ՝ հրապարակված են JCI Insight ամսագրում:
Հեղինակները վերլուծել են 28 առողջ մասնակիցների հյուսվածքների նմուշներ, նրանց ձեռքերի ներսի հատվածում մաշկը ենթարկվել է փոքր քանակության ազոտական մանանեխի՝ FDA-ի կողմից հաստատված գրգռիչ դեղամիջոցի ազդեցությանը: Նյութը քսելու ընթացքում հետազոտվողների մաշկը ծածկվել է ցանով։ Դրանից հետո կամավորների մի մասին խնդրել են վիտամին D-ի բարձր դոզաներ խմել, իսկ մյուսին պլացեբո են տվել։
Վիտամին ստացած մասնակիցների մաշկի հյուսվածքներն ավելի քիչ գրգռվածություն և բորբոքում են ցույց տվել, քան երկրորդ խմբինը։ Հետագայում մասնագետները վերլուծել են մաշկի և արյան նմուշները: Պարզվել է, որ IL-17-ի պրոբորբոքային ազդանշանային ուղիները ճնշվել են վիտամին D խմբի սուբյեկտների մոտ:
Մասնագետների կարծիքով, դա հաստատում է IL-17-ի օգտագործման հնարավորությունը որպես խոստումնալից բիոմարկեր տեղական քիմիաթերապիայի և այլ դեղամիջոցների նկատմամբ ծանր ռեակցիաների համար:
