Բրիտանիայի թագավորը մարտի վերջին իր առաջին պետական այցը կկատարի Ֆրանսիա
Մեծ Բրիտանիայի Կառլոս 3-րդ թագավորը գահ բարձրանալուց հետո առաջին պետական այցը կկատարի Ֆրանսիա՝ մարտի 26-ին։ Այա մասին տեղեկացնում է Reuters գործակալությունից:
Վկայակոչելով Ելիսեյան պալատին՝ Reuters-ը տեղեկացնում է, որ Կառլոս 3-րդի առաջին պետական այցը լինելու է քառօրյա և ավարտվելու է մարտի 29-ին։ Նշվում է, որ այցը դիվանագիտական քայլ է Ֆրանսիայի նախագահ Էմանուել Մակրոնի կողմից, որը ցանկանում է մի շարք վեճերից հետո բարելավել ֆրանս-բրիտանական հարաբերությունները։
Բրիտանիայի միապետի այցից առաջ՝ մարտի 10-ին, Փարիզ է մեկնելու Մեծ Բրիտանիայի վարչապետ Ռիշի Սունակը: Նա կմասնակցի ֆրանս-բրիտանական գագաթնաժողովին, որն առաջինն է լինելու 2018 թ.-ից ի վեր:
