«Կենսական անհրաժեշտություն է, որ այս պայքարը տեղափոխվի և զարգացվի ոչ միայն Հայաստանում, այլ նաև ողջ համայն հայության մեջ». Հակոբ Հակոբյան
Արցախի «Արդարություն» կուսակցության համահիմնադիր Հակոբ Հակոբյանը ֆեյսբուքյան իր էջում գրում է. «Գրեթե 60 օր Արցախն ազգային ազատագրական նոր պայքարի փուլ է մտել և այդ պայքարի արդյունքը ոչ միայն կենսական նշանակություն ունի հայության ինքնության պահպանման և աշխարհում արժանապատիվ տեղ ունենալու տեսակետից, այլև հայկական երկու պետությունների կենսունակության ամենալուրջ փորձությունն է:
Այսօր Արցախը պայքարում է ոչ թե 120 հազար հայի, այլ 10 միլիոն հայի արժանապատվության համար:
Կենսական անհրաժեշտություն է, որ այս պայքարը տեղափոխվի և զարգացվի ոչ միայն Հայաստանում, այլ նաև ողջ համայն հայության մեջ: Հակամարտության կարգավորման արդարացի և բարենպաստ արդյունք հնարավոր է ակնկալել միայն ամենօրյա բարդ, բազմավեկտոր մասնագիտական աշխատանքի դեպքում:
Հ.Գ. Մենք կարող ենք հիասթափություն ապրել, բայց երբեք չպետք է կորցնենք հույսը: Արա՛ առաջին քայլը հավատքով: Պարտադիր չէ, որ տեսնես ողջ սանդուղքը, պարզապես արա առաջին քայլը»:
