42-ամյա տղամարդու մոտ հերոին է հայտնաբերվել
Հոկտեմբերի 24-ի երեկոյան Վաղարշապատի բաժնի քրեական հետախույզները, օպերատիվ տվյալներն իրացնելով, Արմավիրի մարզի Պտղունք գյուղում ձերբակալել և, մեքենայով հանդերձ, բաժին են տեղափոխել էջմիածնի բնակիչ, 42-ամյա մի տղամարդու: Կասկածանքը ապօրինի թմրամիջոց պահելն էր: Նրա խուզարկությամբ հայտնաբերվեց հերոինի նմանվող զանգված: Տղամարդը հայտնեց, որ թմրանյութը տելեգրամով գնել է իր օգտագործման համար:
Նա և դեպքի վերաբերյալ կազմված փաստաթղթերը ներկայացվել են Վաղարշապատի քննչական բաժին:
