Սիսիանի ավագանին առաջին փուլով համայնքապետ չընտրեց. սպասվում է երկրորդ փուլ
Այսօր Սիսիանի համայնքապետարանում ավագանու արտահերթ նիստ էր հրավիրված, համայնքապետ էին ընտրում։
Թեկնածուները երեքն էին՝ «Հանուն հանրապետության ժողովրդավարության պաշտպանների» դաշինքից՝ Սևակ Մուսաթյանը, «Աշխատանք և Արդարություն» կուսակցությունների դաշինքից՝ Հայկ Առաքելյանը, և «Քաղաքացիական պայմանագիր» կուսակցությունից՝ Սիսիանի համայնքապետի ժամանակավոր պաշտոնակատար Արմեն Հակոբջանյանը։
Բաց քվեարկությամբ ավագանին 2 ձայն տվեց Սևակ Մուսաթյանին, 7 ձայն՝ Հայկ Առաքելյանին, և 8 ձայն՝ Արմեն Հակոբջանյանին:
Այսպիսով՝ առավելագույն ձայներ հավաքեցին Հայկ Առաքելյանը և Արմեն Հակոբջանյանը։
Քվեարկության արդյունքում ավագանին առաջին փուլով համայնքապետ չընտրեց, սպասվում է ընտրությունների երկրորդ փուլ։
Հիշեցնենք, որ «Մեկ Հայաստան» կուսակցությունը նիստում հայտարարեց, որ համայնքապետի թեկնածու չի առաջադրի, իսկ ավագանու նիստին չէր մասնակցում «Ապրելու երկիր» կուսակցությունը։
