Վեհափառ Հայրապետը առանձին քննարկումներ կունենա նախագահների հետ․ MediaHub
Նախօրեին ՀՀ առաջին նախագահ Լևոն Տեր-Պետրոսյանը հանդես եկավ հայտարարությամբ, որով փորձեց փակել Կաթողիկոսի և ՀՀ ու Արցախի նախկին նախագահների հանդիպումների նպատակահարմարության ու շարունակականության թեման: Սակայն արդյո՞ք Լևոն Տեր-Պետրոսյանն է, որ պետք է փակի այս թեման:
MediaHub-ը պարզաբանման համար դիմել է Մայր Աթոռ Սուրբ Էջմիածնի տեղեկատվական համակարգի տնօրեն Տ. Եսայի քահանա Արթենյանին:
Նա նշել է, որ Ամենայն Հայոց Կաթողիկոսը գնահատում է ՀՀ և ԼՂՀ նախագահների պատրաստակամությունը՝ հայտնի հանդիպման ձևաչափով արծարծելու երկրի առջև ծառացած մարտահրավերները և դրանց հաղթահարման հնարավոր ուղիները։
Ինչ վերաբերում է բուն հարցին՝ Տեր-Պետրոսյանը վերջակետ դրեց այդ կարևոր նախաձեռնությանը, Տ. Եսայի քահանա Արթենյանն արձագանքել է.
«Վեհափառ Հայրապետը առանձին քննարկումներ կունենա նախագահների հետ, որոնց արդյունքում կհստակեցվի այս ձևաչափով հանդիպումների շարունակությունը»։
