Լեհաստանը մտադիր է Սկանդինավիայի երկրների հետ մշակել Բալթիկայի անվտանգության շուրջ հանձնարարականներ
Լեհաստանը մտադիր է Շվեդիայի, Նորվեգիայի եւ Դանիայի հետ մշակել Բալթիկ ծովի տարածաշրջանում անվտանգության ապահովման հանձնարարականներ: Սեպտեմբերի 30-ին այդ մասին Twitter-ում հայտարարել է Լեհաստանի պաշտպանության նախարար Մարիուշ Բլաշչակը:
«Այն որոշմանը համապատասխան, որը մենք ընդունել ենք չորեքշաբթի օրն Ազգային անվտանգության եւ պաշտպանության գործերի կոմիտեում, ես Գլխավոր շտաբի ղեկավարին հանձնարարեցի կոնսուլտացիաներ վարել Դանիայի, Շվեդիայի եւ Նորվեգիայի պաշտպանության հարցերի պատասխանատուների հետ Բալթիկայի անվտանգությանը վերաբերող հանձնարարականների մշակման շուրջ»,- գրել է նախարարը, հաղորդել է ՏԱՍՍ-ը:
