Վրաստան արևածաղկի ձեթի ներկրումն էժանանում է
Վրաստան արևածաղկի ձեթի հիմնական ներկրող երկրում՝ Ռուսաստանում թե՛ ապրանքի ինքնարժեքը, թե՛ ձեթի մաքսատուրքը նվազում է, հետևավաբար, նվազում է արտահանվող ապրանքների գինը։ Ըստ այդմ՝ Վրաստանում արևածաղկի ձեթի ներկրումը էժանանում է:
aliq.ge-ի փոխանցմամբ՝ Վրաստանում ձեթի հիմնական ներկրողը Ռուսաստանն է, հետևաբար այնտեղ գործող կանոնները որոշակի ազդեցություն ունեն վրացական շուկայի վրա։ Ռուսաստանում արտահանման հարկի թե՛ բարձրացումը, թե՛ նվազումն անդրադարձել են Վրաստան ներկրվող արևածաղկի ձեթի գնի վրա, և մեծ հավանականություն կա, որ ապագայում գներն էլ ավելի կնվազեն։
Նշենք, որ Ռուսաստանը 2021 թվականի փետրվարին սահմանել է արևածաղկի ձեթի լողացող մաքսատուրք, և այն պետք է գործեր մինչև 2022 թվականի օգոստոսի 31-ը։ Սակայն Ռուսաստանի ներխուժումն Ուկրաինա փոխեց իրավիճակը, և բացի ռազմական ագրեսիայից, Ռուսաստանի ագրեսիվ քաղաքականությունն ավելի ծանր անդրադարձավ նաև տնտեսության վրա, որի հետևանքով երկարացվել է նաև մաքսային հարկի գործողության ժամկետը։
