Google Chrome-ը կդադարի արգելափակել գովազդը

Google Chrome-ը կդադարի արգելափակել գովազդը, ինչն արվում է «օգտատերերի և նրանց տվյալների պաշտպանության համար»:

2023 թվականի հունվարին գովազդի արգելափակման ընդլայնումները, ներառյալ՝ AdBlock-ը, այլևս չեն աշխատի Google Chrome բրաուզերում: Այս մասին ասվում է մշակողների համար թարմացված հրահանգներում։

Փաստն այն է, որ հաջորդ տարվա սկզբին Google-ը կթողարկի ինտերֆեյսի թարմացման Manifest տարբերակ 3-ի ընդլայնումների համար, մինչդեռ բոլոր գովազդային արգելափակումներն աշխատում են API-ի երկրորդ տարբերակի վրա: Նախապես արգելափակող հավելվածների տեղադրումը չի շտկելու իրավիճակը, քանի որ դրանք, այնուամենայնիվ, կդադարեն աշխատել բրաուզերի թարմացումից հետո: Google-ը բացատրում է այս որոշումն օգտատերերի տվյալների և լրացուցիչ գաղտնիության պաշտպանության մտահոգությամբ:

Գովազդային ֆիլտրի մշակողներն ասում են, որ աշխատում են խնդրի լուծման վրա: Հավանաբար օգտվողները սպասում են ընդլայնումների, որոնք թարմացվել են Manifest Version 3-ին՝ պահպանված ֆունկցիոնալությամբ, բայց երբ դրանք կարող են իրականացվել, դեռևս անհայտ է:

Բացի այդ, Chrome-ի հիմքով աշխատող բրաուզերների ներկայացուցիչները վստահեցնում են, որ չեն հրաժարվի Manifest 2-ի աջակցությունից: Սա նշանակում է, որ այնտեղ օգտագործողին ծանոթ բոլոր հավելվածները պետք է շարունակեն աշխատել սովորականի պես:

Սիրարփի Աղաբաբյան