Ինքնասպանություն՝ Լոռու մարզում. լոգարանում հայտնաբերվել է 40-ամյա տղամարդու կախված դի. Shamshyan. com
Այսօր՝ օգոստոսի 22-ին, ողբերգական դեպք է տեղի ունեցել Լոռու մարզում: Ժամը 11:30-ի սահմանում ոստիկանության Լոռու մարզային վարչության օպերատիվ կառավարման կենտրոն ահազանգ է ստացվել, որ Գարգառ գյուղի տներից մեկում կախված դի կա:
Ինչպես հայտնում է shamshyan.com-ը, դեպքի վայր են ժամանել ՀՀ ոստիկանության պարեկային ծառայության Լոռու գումարտակի հրամանատար Արմեն Բեժանյանը, վաշտի հրամանատար Վիկտոր Սարգսյանը: Տեղում տարածքը սահմանազատել և ուժեղացված ծառայություն են կատարել 2-րդ վաշտի 3-րդ դասակի հրամանատար Հովհաննես Հայրապետյանը, պարեկներ Դավիթ Հարությունյանն ու Մկրտիչ Հովհաննիսյանը: Ժամանել են նաև ոստիկանության Լոռու մարզային վարչության պետ Գևորգ Ազիզյանն ու ոստիկանության Ստեփանավանի բաժնի պետ Սուրեն Բագրատունյանը: Ահազանգով ժամանել է նաև Հայաստանի քննչական կոմիտեի Լոռու մարզային քննչական վարչության Ստեփանավանի քննչական բաժնի խումբը՝ օրվա հերթապահ քննիչի գլխավորությամբ, ում կողմից նախաձեռնվել է քրեական վարույթ:
Ոստիկաններն ու քննիչները նշված գյուղի 7-րդ փողոցի տներից մեկում՝ տան լոգարանում, կախված վիճակում հայտնաբերել են 40-ամյա Ս. Ա.-ի դին: Քննիչի որոշմաբ նշանակվել է դիակի դատաբժշկական փորձաքննություն:
