Ուսումնասիրվել է խաղողի ազդեցությունը կյանքի տևողության վրա
Արևմտյան Նոր Անգլիայի համալսարանի գիտնականներն ուսումնասիրել են խաղողի օգտագործման ազդեցությունը առողջության և երկարակեցության վրա: Ըստ shantnews-ի՝ հետազոտության արդյունքները հրապարակված են Foods and Antioxidants ամսագրերում:
Առաջին հետազոտության ընթացքում հեղինակները պարզել են, որ օրական երկու բաժակից քիչ խաղող ուտելը, ինչպես նաև ճարպային սննդակարգի պահպանումը, նպաստում են լյարդի ճարպակալման նվազեցմանը և երկարակեցությանը: Բացի այդ, ապացուցվել է, որ այս միրգը զգալիորեն ազդում է գենետիկ արտահայտման վրա: Խաղողի մեջ հայտնաբերված նյութերը կարող են մեծացնել հակաօքսիդանտների մակարդակը, ինչը կնվազեցնի օրգանիզմի կենսաբանական տարիքը մոտ չորսից հինգ տարով։
Մեկ այլ հետազոտության ընթացքում նույն հեղինակները նկատել են, որ խաղողի օգտագործումը փոխում է ուղեղի գեների արտահայտումը։ Փորձագետները նաև ընդգծել են, որ չնայած այն հանգամանքին, որ փորձերն իրականացվել են կրծողների վրա և պահանջում են լրացուցիչ հետազոտություն, ստացված տվյալները կարող են օգտակար լինել գիտական հանրությանը։ 2022 թվականի օգոստոսին Երուսաղեմի Եբրայական համալսարանի հետազոտողները հայտնաբերել են մի մոլեկուլ, որը մեծացնում է կյանքի տևողությունը և որակը։
