«Փյունիկ»-«Ցրվենա Զվեզդա»․ խաղից առաջ
«Փյունիկը» Չեմպիոնների լիգայի որակավորման փուլում 5։0 հաշվով պարտվեց «Ցրվենա Զվեզդային»։ Մրցակցի հարկի տակ անհաջող խաղից հետո երևանյան թիմը կընդունի սերբական ակումբին «Հանրապետական» մարզադաշտում այսօր՝ 21։00-ին։
Նախորդ մրցաշրջանի վերջին տուրում «Փյունիկը» ոչ-ոքի խաղաց «Ալաշկերտի» հետ (1:1), սակայն հենց այս միավորը բավական էր մրցակցին շրջանցելու և չեմպիոնի տիտղոսը նվաճելու համար։ Թիմն արդեն հաղթահարել է Չեմպիոնների լիգայի որակավորման երկու փուլը, սակայն տանը ոչ մի հաղթանակ չի գրանցել:
Ընդհանուր առմամբ, այս Չեմպիոնների լիգայում հիմնական ժամանակում հյուրընկալվելիս 4։1 հաշվով հնարավոր եղավ հաղթել միայն «Դյուդելանժին»։
«Ցրվենա Զվեզդան» մինչ այժմ սերբական լավագույն թիմն է։ Մրցաշրջանի առաջին չորս տուրերում թիմը ցույց տվեց 100 տոկոսանոց արդյունք՝ միաժամանակ խփելով 17 գնդակ։ Բալկանցիները «Մլադոստի» հետ դիմակայությունում բաց թողեցին իրենց միակ գոլը (2:1):
Առաջին խաղում իրեն լավ դրսևորեց Բուկարին, ով կարող էր պոկեր անել, սակայն մեկ գոլ չեղարկվեց խաղից դուրս լինելու պատճառով։
Դիմակայությունում գրեթե ամեն ինչ արդեն որոշված է։ Սերբերը, ամենայն հավանականությամբ, կպահեն իրենց առաջատարներին շատ ավելի կարևոր հանդիպումներից առաջ։
Բացի այդ, «Փյունիկն» առանձնապես արդյունավետ չէ սեփական հարկի տակ, սակայն սովորաբար մրցակիցներին էլ թույլ չի տալիս իրենց շատ ազատ զգալ։
Սիրարփի Աղաբաբյան
