Փրկարարները 2 գյուրզա, 3 սահնօձ և 1 իժ են տեղափոխել անվտանգ տարածք
Արտակարգ իրավիճակների նախարարության փրկարար ծառայության Ճգնաժամային կառավարման ազգային կենտրոնում հուլիսի 21-23-ը 6 ահազանգ է ստացվել հանրապետության տարբեր տարածքներում նկատված օձերի վերաբերյալ:
ԱԻՆ-ից հայտնում են, որ օձերը նկատվել են մասնավորապես Կոտայքի մարզի Աբովյան, Արարատի մարզի Մասիս և Արտաշատ քաղաքներում:
Դեպքի վայր ժամանած փրկարարները բռնել են 2 գյուրզա, 3 սահնօձ, 1 իժ և տեղափոխել անվտանգ տարածք:
