Լարսում երթևեկության 12 լրացուցիչ գոտի է բացվել, ավելացել է անցակետի թողունակությունը
«Վերին Լարս» անցակետում Ռուսաստանից Վրաստան ուղղությամբ բացվել են երթեւեկության 12 լրացուցիչ գոտիներ՝ մարդատար ավտոմեքենաների համար․ այս մասին հայտնում է Հյուսիսային Կովկասի մաքսային վարչության հասարակայնության հետ կապերի բաժնի մամուլի ծառայությունը։
Նրանք հավելել են, որ դա հնարավորություն է տվել ավելացնել անցակետի թողունակությունը եւ տասն անգամ կրճատել դրանից առաջ խցանումները։
Երկուշաբթի երեկոյան 100 մեքենա է սպասելիս եղել Ռուսաստանից դուրս գալուն։ Հուլիսի 6-ին մաքսավորները հայտնել են, որ 1500 մեքենա է սպասում Վրաստան մտնելու համար։
