Մենք արդեն անիծված ենք՝ մեր նախնիների անեծքով, որ չկարողացանք ատամներով պահել վեց դար ընդմիջումից հետո ազատագրված հայրենիքի մեծ մասը. Տարոն Սիմոնյան
ԱԺ «Լուսավոր Հայաստան» խմբակցության նախկին պատգամավոր Տարոն Սիմոնյանի ֆեյսբուքյան գրառումը. Երբ ազգային ու պետական ռազմավարություն չունենալը դառնում է միակ ռազմավարությունը, հող, տուն զիջելը, քո իսկ հայրենիքից հոգեբանորեն օտարվելը, ամեն գնով աշխարհաքաղաքացու դերի մեջ մտնելը, այլ երկրներից հայրենասիրության դասեր տալը, օտարների ռազմավարության քարոզած կենցաղի մոդային տրվելը դառնում է սովորական բան, որովհետև այդ ժամանակների միակ արժեքը սպառելն է, անխնա սպառելը …
Ափսոսս մեզ չի գալիս. մենք արդեն անիծված ենք՝ մեր նախնիների անեծքով, որ չկարողացանք ատամներով պահել վեց դար ընդմիջումից հետո ազատագրված հայրենիքի մեծ մասը։ Դեռ մի քանի գլուխ էլ պիտի ինքներս մեզ հաղթահարենք, որ արժանի լինենք կյանքին այս հողի վրա ու հաղթանակին։ Ափսոսս հաջորդ սերունդն է գալիս, որ պետականության զարգացմամբ զբաղվելու փոխարեն նորից պիտի լծվի հայրենիքի ազատագրության ու պետականաստեղծման գործին, դեռ ավելին. ես կասեի՝ հանրություն ու անհատ ստեղծելու գործին։ Տարոն Սիմոնյան. Ցանկացած քաղաքական ուժ, որն այս քաղաքական ուժին ինչ-որ ձեւով հորդորում է, որ հեռանան, ճիշտ է անում.
«Հրապարակ» Երկու միտք է ծագում. կամ չի հասկանում, կամ ներսում մարդկանց «զբաղեցնելու» համար է, քանի դեռ ինքը դրսում համաձայնությունների է գալիս. Տարոն Սիմոնյան Դե ինչ, կյանքի օրինաչափությունն է այդպիսին։ Եթե քեզ կառավարում են կրքերն ու դրանց վարպետները, իսկ դու համառորեն հրաժարվում ես ողջախոհությունից, ամեն ինչ կյանքում պտտվելու է վախի ու զիջման, սիրային ատելության ու ատելի սիրո, տգետների ու հպարտների, հանցագործների ու ոչ պակաս հանցագործների, փրկիչների ու դավաճանների շուրջ։ Բայց ոչինչ … Որ դուք տեսնեք, թե ինչ սերունդ է աճում դպրոցներում, համալսարաններում ու ամենուր՝ հեռու ընթացիկ քաղաքական ու մտավոր կեղտից, կհասկանաք, որ հեռու չէ սպառող մարդու ամբողջական ստվերումը առաքինի անհատի տեսակով՝ իր Վեհ հոգով, Ազնիվ մտքով, Նվիրական վարքով ու Քաջությամբ։
