Ուժեղ քամու և տեղացած անձրևի պատճառով Ասկերանի շրջանի բնակիչները նյութական մեծ վնասներ են կրել
Հունիսի 29-ի երեկոյան, Ասկերանի շրջանում տեղացած անձրևի և ուղեկցող ուժգին քամու հետևանքով, ավերածություններ են տեղի ունեցել շրջանի Ռև, Խրամորթ, Խնձրիստան և Նորագյուղ համայնքներում։
Նշված բնակավայրերում պոկվել են մի շարք տների և օժանդակ շինությունների տանիքները, վնասվել էլեկտրալարերը, այգիներն ու բերքատու ծառերը։
Հասցված վնասների ընդհանուր չափը ճշտվում է։
