Իրաքում խոլերայի բռնկում է
Իրաքի առողջապահության նախարարությունը խոլերայի բռնկում է գրանցել Սուլեյմանիա նահանգում, որը գտնվում է երկրի հյուսիսում։ Այս մասին երկուշաբթի հայտնել է Rudaw հեռուստաալիքը, ասել է գերատեսչության ներկայացուցիչ Սեյֆ ալ Բադարը։
Նրա խոսքով, ներկայում Իրաքում գրանցվել է վարակման 13 դեպք, որից 10-ը՝ Սուլեյմանիա նահանգում։ Միևնույն ժամանակ, Ալ Բադարը համապատասխան մարմինները միայն այժմ են սկսել զննել խոլերային բնորոշ ախտանիշներով հիվանդներին։
Իրաքում խոլերայի վերջին խոշոր բռնկումը եղել է 2015թ.: Այն ժամանակ մաքուր խմելու ջրի բացակայության պատճառով խոլերայով վարակվել է ավելի քան երկու հազար մարդ։ 2007 թվականին Իրաքում խոլերայի համաճարակ էր։ ՄԱԿ-ի տվյալներով՝ դեպքերի թիվը կազմել է մոտ յոթ հազար, տասը մարդ մահացել է։
Խոլերան սուր վարակ է, որն ուղեկցվում է փորլուծությամբ, որն էլ իր հերթին առաջացնում է ջրազրկում և անոթային անբավարարություն։ Վարակումը սովորաբար տեղի է ունենում աղտոտված ջրի կամ ծովամթերքի միջոցով: Խոլերայի բռնկումները պարբերաբար տեղի են ունենում Ասիայի և Աֆրիկայի անբարենպաստ երկրներում, ինչը հիմնականում պայմանավորված է բնակչության զգալի մասի համար պատշաճ մաքրված խմելու ջրի մշտական հասանելիության բացակայությամբ:
