Ծառի ճյուղն ընկել է կայանած ավտոմեքենաների վրա
Հունիսի 15-ին, ժամը 10:44-ին Ճգնաժամային կառավարման ազգային կենտրոն ահազանգ է ստացվել, որ Երևանի Տիգրան Մեծի պողոտայի թիվ 3-րդ շենքի մոտակայքում ծառի ճյուղը կոտրվել և ընկել է կայանած ավտոմեքենաների վրա, ինչպես նաև վնասել էլեկտրական լարերը. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ ծառի ճյուղը կոտրվել է, կախվել էլեկտրալարերից և մասամբ ընկել կայանած «Peugeot» և «Toyota Camry» մակնիշների ավտոմեքենաների վրա․ տուժածներ չկան։
Փրկարարները ճյուղը հեռացրել են անվտանգ տարածք։
