Իրանում վթարի զոհ են դարձել արբանյակների, անօդաչուների և հրթիռների մշակման ոլորտի փորձագետներ
Իսլամական հեղափոխության պահապանների զորակազմի երկու ներկայացուցիչներ, որոնք զբաղվում են արբանյակների, անօդաչուների եւ հրթիռների մշակմամբ, օրերս զոհվել են ավտովթարների հետեւանքով: Այդ մասին հունիսի 13-ին հաղորդել է Tasnim իրանական գործակալությունը:
Նրա տվյալներով՝ ճանապարհատրանսպորտային պատահարներից մեկը տեղի է ունեցել Խոմեյն քաղաքում, որը գտնվում է Թեհրանից 250 կիլոմետր դեպի հարավ-արեւմուտք, մյուսը՝ Իրանի Սեմնան հյուսիսային քաղաքում: Ավելի վաղ հաղորդվել է իրանցի նշանավոր ինժեներ Այուբ էնթեզարիի զոհվելու մասին, որը նույնպես աշխատում էր օդագնացության ոլորտում, հաղորդել է «Ինտերֆաքս»-ը:
