Իրանն արագացրել է նոր սերունդների ցենտրիֆուգների տեղակայումն ուրանի հրաստացման համար
Իրանն արագացրել է նոր սերունդների ցենտրիֆուգների արտադրությունն ու տեղակայումն ուրանի հարստացման համար: Հունիսի 9-ին այդ մասին հաղորդել է ISNA գործակալությունը՝ վկայակոչելով մի աղբուր:
Արդի ցենտրիֆուգների տեղակայումը եւ միջուկային օբյեկտներում Ատոմային էներգիայի միջազգային գործակալության (ՄԱԳԱՏԷ) հսկման տեսախցիկների անջատումը մտնում են այն միջոցների շարքը, որոնք Իրանը ձեռնարկում է ի պատասխան Թեհրանի վերաբերյալ ՄԱԳԱՏԷ-ի բանաձեւին:
Մեկ օր առաջ Իրանի արտգործախարարության պաշտոնական ներկայացուցիչ Սայիդ Խաթիբզադեն Twitter-ում գրել է, որ իրանական կողմը կձեռնարկի վճռական եւ համաչափ գործողություններ ի պատասխան ՄԱԳԱՏԷ-ի բանաձեւի ընդունման: Դիվանագետի խոսքով՝ ԱՄՆ-ը, ինչպես նաեւ Մեծ Բրիտանիան, Գերմանիան եւ Ֆրանսիան «իրենց անհեռատես պլանները բարձր են դասել ՄԱԳԱՏԷ-ի հեղինակությունից եւ առաջ տարել սխալ եւ հապճեպ բանաձեւ աշխարհում ամենաթափանցիկ եւ խաղաղ ատոմային ծրագրով երկրի դեմ»:
Հունիսի 8-ին Վիեննայում միջազգային կազմակերպություններում ՌԴ-ի մշտական ներկայացուցիչ Միխայիլ Ուլյանովը հայտնել է, որ ՄԱԳԱՏԷ-ի Կառավարիչների խորհրդի անդամ 35 պետությունների մեծ մասը քվեարկել է Իրանի վերաբերյալ բանաձեւի օգտին, որը նրան քննադատության էԷ ենթարկում երեք չհայտարարված օբյեկտներում ուրանի մասնիկների առաջացման պարզաբանման բացակայության պատճառով: Չինաստանը եւ Ռուսաստանը քվերակել են փաստաթղթի դեմ, հաղորդել է ՏԱՍՍ-ը:
