Մրցելու ենք շատ ուժեղ հավաքականի հետ. Կապառոսը` Շոտլանդիայի ընտրանու մասին
Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը Շոտլանդիային ուժեղ ընտրանի է համարում: «Այժմ մրցաշարային աղյուսակին պետք չէ ուշադրություն դարձնել: Իռլանդիայի դեմ հանդիպումն արդեն անցյալում է: Գիտենք, որ մրցելու ենք շատ ուժեղ հավաքականի հետ, որի ֆուտբոլիստները շատ մրցունակ են: Բայց մենք վստահում ենք մեր ֆուտբոլիստներին»,-նախախաղային ասուլիս ժամանակ ասաց հավաքականի գլխավոր մարզիչը:
Իսպանացի մասնագետը շոտլանդական թիմում առանձնացնում է թիմային խաղը և բարձրակարգի ֆուտբոլիստների առկայությունը:
Խոսելով Հայաստանի ազգային հավաքականի ֆուտբոլիստների մասին՝ նա ասաց. ««Ոչ միայն Սպերցյանն է հայկական ֆուտբոլի ապագան, այլ նաև Արթուրը, Վահանը, Ստյոպան»:
Ազգերի լիգայի A ենթախմբում Հայաստանի ազգային թիմը հաջորդ հանդիպումը կանցկացնի հունիսի 8-ին` հյուրընկալվելով Շոտլանդիայի հավաքականին:Այդ խաղը կմեկնարկի Երևանի ժամանակով 22:45-ին:
