Ֆուտբոլի լեգենդների հանդիպման տոմսերն արդեն վաճառքում են
Սկսվել է Հայաստանի և Վրաստանի հավաքականների միջև հունիսի 16-ին կայանալիք լեգենդների հրաժեշտի հանդիպման տոմսերի առցանց վաճառքը։
Այս մասին հայտնում է ՀՖՖ-ն: Տոմսերը հասանելի են tickets.ffa.am կայքում։ Տոմսերի գինը 500-1000 դրամ է։
Հունիսի 9-ից տոմսերը հասանելի կլինեն նաև Վ․ Սարգսյանի անվան «Հանրապետական» մարզադաշտի տոմսարկղում։
Հիշեցնենք, որ հանդիպումից առաջ և ընդմիջմանը նախատեսվում է համերգային ծրագիր, իսկ վաճառքից ստացված ողջ հասույթը կուղղվի բարեգործական նպատակների։
