Ղազախստանում քվեարկողների բացարձակ մեծամասնությունը կողմ է արտահայտվել սահմանադրական փոփոխություններին
Ղազախստանում սահմանադրական փոփոխությունների հանրաքվեին մասնակցած քաղաքացիների 77.18 տոկոսը կողմ է քվեարկել առաջարկվող փոփոխություններին:
Այս մասին հայտնել է Ղազախստանի կենտրոնական ընտրական հանձնաժողովի նախագահ Նուրլան Աբդիրովը:
Ղազախստանում հունիսի 5-ին հանրաքվե է անցկացվել երկրի Սահմանադրության մեջ փոփոխություններ կատարելու հարցով: Փոփոխությունները միտված են նախագահական լիազորությունների կրճատմանը, իշխանության այլ թևերի ուժեղացմանը և պետության ղեկավարման գործում քաղաքացիների դերի բարձրացմանը:
Առաջարկիվող փոփոխություններով Ղազախստանում կվերանա կառավարման «սուպերնախագահական» համակարգը, երկիրը կանցնի կառավարման նախագահական համակարգի՝ ուժեղ խորհրդարանով ու հաշվետու կառավարությամբ: Փոփոխություններով նաև արգելվում է երկրի ղեկավարի հարազատների կողմից պետական կառավարման համակարգում ղեկավար պաշտոնների նշանակելը: Երկրի ղեկավարը կառավարման ընթացքում չի կարողանալու որևէ կուսակցության անդամ լինել:
Թարմացված Սահմանադրությամբ չեղարկվելու են երկրի առաջին նախաահ Նուրսուլթան Նազարբաևին տրված կարգավիճակն ու արտոնությունները:
