Մինչև դեկտեմբերի 31-ը 8 մետրանոց 150 ավտոբուսները կլինեն Երևանում. քաղաքապետ
«Հաջորդ շաբաթ նախատեսում ենք 8,6 մետրանոց 150 ավտոբուսների մրցույթ, հայտարարել և ակնկալում ենք, որ մինչև դեկտեմբերի 31-ը ավտոբուսները կլինեն Երևանում: Ինչպես նաև մեկ ամիս առաջ պայմանագիր ստորագրեցինք 12 մետրանոց ավտոբուսներ ձեռք բերելու համար: Ժամկետը 2023 թվականի մարտ-ապրիլ ամիսներն են»,- հունիսի 3-ին ԱԺ-ում լրագրողների հետ զրույցում նշել է Երևանի քաղաքապետ Հրաչյա Սարգսյանը:
Վերջինս հայտնել է նաև, որ կավելանա մանուշակագույն ավտոբուսների թվաքանակը:
«Եթե նայեք, քաղաքում հիմնականում կապույտ ավտոբուսներ են երթևեկում, մանուշակագույն ավտոբուսների պահեստամասերի ձեռքբերման հետ կապված մրցույթը չի կայանում, բայց կարծում եմ՝ մոտակա ժամանակ որոշում կունենանք և այդ որոշման համաձայն՝ պահեստամասերը ձեռք կբերենք, մանուշակագույն ավտոբուսները նույնպես կերթևեկեն, քանակն ավելի շատ կլինի»,- նշել է Հրաչյա Սարգսյանը:
