ԵԱՀԿ-ն պետք է զբաղվի Եվրոպայում անվտանգության հարցերով․ Պեսկով
ԵԱՀԿ-ն պետք է դառնա Եվրոպայում անվտանգության և համագործակցության հարցերով զբաղվող ունիվերսալ կազմակերպություն, այլ ոչ թե գործիքի դեր խաղա։ Այս մասին ՌԻԱ Նովոստիին ասել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը։
«Կրկին շատ կարևոր է, որ ԵԱՀԿ-ն դադարի խաղալ գործիքի դերը, որպեսզի այն դառնա ունիվերսալ կազմակերպություն, որն իսկապես զբաղվում է Եվրոպայում անվտանգության և համագործակցության հարցերով»,- ասել է Պեսկովը։
Նրա խոսքով՝ ՌԴ նախագահ Վլադիմիր Պուտինի՝ 15 տարի առաջ մյունխենյան ելույթում արված բոլոր առաջարկները տեղին են, այդ թվում՝ ԵԱՀԿ-ի վերաբերյալ։
