Մեծ Բրիտանիայի և Լեհաստանի վարչապետները հայտարարել են Ուկրաինայի շուրջ ՌԴ-ի հետ երկխոսության կարևորության մասին
Մեծ Բրիտանիայի և Լեհաստանի վարչապետները եկել են այն ընդհանուր կարծիքին, որ Ռուսաստանի հետ երկխոսությունն այս պահին շատ կարևոր է։
Այս մասին ասվում է փետրվարի 10-ին Բորիս Ջոնսոնի գրասենյակի տարածած հաղորդագրության մեջ՝ Վարշավայում նրա լեհ գործընկեր Մատեուշ Մորավիեցկիի հետ բանակցություններից հետո։
Երկու ղեկավարներն էլ համաձայնել են Ռուսաստանի հետ դիվանագիտական երկխոսություն սկսել: Ինչպես նշել է Բրիտանական կառավարությունը, քաղաքական գործիչները համաձայնել են, որ եվրոպական անվտանգությունը կենսական նշանակություն ունի և կոչ են արել Ռուսաստանին թուլացնել լարվածությունը ուկրաինական սահմանին:
Բորիս Ջոնսոնն ասել է, որ Մեծ Բրիտանիան պատրաստ է օգնել Վարշավային՝ նշելով, որ փետրվարի 10-ին Լեհաստան են ժամանել բրիտանական բանակի հատուկ ստորաբաժանման 350 զինծառայող։
