Սննդաբանը նշել է իդեալական ապուր առողջության համար
Սննդաբան Լորեն Մանաքերը հայտարարել է, որ տնական ոսպով ապուրը կարող է օգնել նվազեցնել խոլեստերինի մակարդակն օրգանիզմում։ Այս մասին հայտնում է Eat This, Not That-ը:
Փորձագետն ընդգծել է, որ մարդիկ հաճախ փորձում են ժամանակ խնայել ճաշ պատրաստելու վրա և ուտում են պատրաստի պահածոյացված ապուրներ։
Նման ուտեստները պարունակում են շատ նատրիում, որի ավելցուկը նվազեցնում է երկաթի, կալիումի, ֆոսֆորի, կալցիումի և մագնեզիումի կոնցենտրացիան մարմնում, ինչը մեծացնում է սրտի և երիկամների ծանրաբեռնվածությունը և կարող է հանգեցնել հիվանդությունների զարգացմանը։
Ըստ Մանաքերի՝ տնական ապուր պատրաստող մարդիկ ավելի զգույշ են ընտրում բաղադրիչները, ինչն ավելի առողջարար ու համեղ է դարձնում ուտեստը։
«Ոսպը հարուստ է սրտի համար օգտակար նյութերով, ինչպիսիք են կալիումը և բջջանյութը, ուստի դրա օգտագործումը կարող է օգնել նվազեցնել խոլեստերինի մակարդակը»,- ասել է սննդաբանը:
Պատրաստեց Անի Գաբուզյանը
