ԵՄ-ն կորոնավիրուսի դեմ պատվաստանյութերի 1,2 մլրդ դեղաչափ է մատակարարել աշխարհի 150 երկրների
Եվրամիությունը տարեսկզբից COVID-19-ի դեմ պատվաստանյութերի 1,2 միլիարդ դեղաչափ է արտահանել աշխարհի 150 երկրներ: Հոկտեմբերի 28-ին կայացած մամուլի ասուլիսում այդ մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը՝ հոկտեմբերի 30 – 31-ը Հռոմում կայանալիք՝ «քսանյակի» գագաթնաժողովի նախաշեմին։
«Եվրամիությունը 2021 թվականի առաջին տասն ամսում պատվաստանյութերի 1,2 միլարդ դեղաչափ է արտահանել աշխարհի 150 երկրներ»,- հայտարարել է ֆոն դեր Լյայենը, հաղորդել է ՏԱՍՍ-ը:
